Vanthengreng (Astronomy) chungchang zir hona neih a ni

21.2.2025: February 21, 2025 khan National Science Day 2025 pualin Astronomy (vanthengreng) chungchang zir hona Mizoram Science Centre-ah neih a ni. He hun hi Mizoram Science Technology & Innovation Council (MISTIC) buatsaih niin Dr. Lalrinkimi, Curator, Mizoram Science Centre-in a kaihruai a. Dr. Davy Lalruatliana, NSD Coordinator & Senior Scientific Officer, MISTIC chuan National Science Day chungchang Report pein thu a sawi a; Pi Lalrinnungi, Assistant Curator, Mizoram Science Centre hnen atangin ‘Astronomy’ chungchang presentation ngaihnawm tak thlir leh ngaihthlak a ni bawk. He hunah hian Mizoram Upa Pawl, Zemabawk te, MHIP Zemabawk leh Zemabawk North Branch mite hun hlimawm tak hmanpui an ni a; mi 100 vel zetin he hun hi an chhim a ni. MUP leh MHIP memberte hun hmanpui an nih hnu hian February 22 khan TNT School naupangte hun hmanpui leh an ni bawk. National Science Day lawmna programme hrang hrangte kaltlang hian mipui mimirte hnenah Science hlutna leh tangkainate awmze neia tarlan emaw, hriattir emaw an ni thin a ni.